السلام عليكم
شلونكم شخباركم
صارلي مدة قاعدة واحوس بالبلوق ابي اغير القالب موراضي يتغير معاي بطريقة صحيحة
جم مرة ضبط وتغير بس يطلعلي نص القالب الي اخترته والي تحت تنعفس الدنيا كل شي راكب فوق بعضه
وارد على القالب الاصلي وارد اضيف عليه الاشياء الي انمسحت
وامس انمسحت صورة العنوان ومو راضية ترجع
الي يعرف شلون ارجعها وشلون اضيف قالب كامل مو بس نصه يقولي وانا اعطيه الي يبي :)
من قبل 3 سنين تقريبا سويت حادث بالسيارة انا واهلي وتعورنا كلنا الله يكافيكم الشر
ومع الوقت تشافينا والحمدالله صرنا احسن
بس من فترة كنت وايد اشكي من خشمي
ورحت الطبيب قالي الحاجز مال الجيوب مايل ويعيق مجرى التنفس من "منخار" واحد وفي انتفاخ بالــ"مادري شنو" لازم يقطعون منه "حتة" عشان يرجع لحجمه الطبيعي قبل الحادث
باجر السبت بنام بالمستشفى عشان العملية يوم الاحد
اذا تبون الصج انا خايفة وايد
وايد وايد
لاني ما اثق بالدكاترة
بس الله كريم والي كاتبه راح يصير انشالله
واشوفكم على خير
تقومين بالسلامة ان شاء الله
ردحذفوما تشوفين شر
سلامات وماتشوفين شر انشالله يالغاليه
ردحذفاجر وعافيه :)
الشر ماييكم انشالله اخوي صلاح
ردحذفواختي حبيبتي شيخة
مشكورين ماقصرتو